[ Sheeko Qosol ah ] Labadii Tuug ee Xariifiyiinta Ahaa

Hadmaa idiinku danbaysay sheeko qosol le. Laba tuug ayaaa isu faantay anaa kaa tuugsan iyo iyo anaa kaa tuugsan markaa ayuu tuugii 1 galka seefta ka sara Oo uu yidhi anigu xariifnimo waxaan ka qabo intaan lacag xaday ayaa waliba lacag kale iyo ducaba la iigu daray Sxb tasu ma dhacayso ayuu yidhi waxa uu yidhi way dhacday see ay u dhacday Maalin maal maha ka mida ayaan arkay islaan uur le oo gaadhi alaab ka dajinayasa markaa ayaan ku idhi ma ku cawinkaraa Ala hooyo haaye duca ku dhacdaye I caawi ayay tidhi allaabtii ayaan la soo dajiyay kadib waxaan ku arkay boorsadii lacagta intan iska eegay yan furay oo aan lacagtii kala baxay markasay lacg isiisay iina ducysay duco badan Intuu qoslay tuugii 2 aad ayuu yidhi taa ilamahyga yar aya samayn kara sxb Anigu malin ayaan arkay jaariyad daaqada uu uga shidatahay radio hargaysa oo ay hees aad u macani sarantahay intaan soo qatay tuunbo oo aan gabiyay rikoodhkii ayaan cod aad u qurxoon ku idhi akhyaarta sharafta lee na dhagaysnysaa qadar yar nga rali hadada hawada ayan ka baxaynaye Intay inantii saa u eegtay rikoodhkii ayay tidhi intay hawada ka maqan yihiin aan a sharaab soo yara qasto sidaasi ayay wali ugu maqantahy sharaabkii isaguna uu ugu qayilay rikoodhkii Akhyaareey keebad siin lahaydeen scorka tuugnimada

Share:

Read More

[ Sheeko Qosol ah ] Ninkii Laba Xaaslaha ahaa

Wiil ayaa waxa uu ku noolaa dalka kenya gaar ahaan nairobi waxa uu halkaa ka bartay gabar somali ah oo Qurux badan waxayna usocotay dalka maraykanka gabartii way sheekeeysteen waxayna ku hishiiyeen inay is guursadaan kadib Waa ay aqal galeen gabartii waxay baxday maraykan Gobol kamid ah ayay gashay bilo kadib waxay bilowday gabartii inay wiilka lacag u qorto bil kasta lacag ayay usoo diri jirtay kadib gabar kale ayuu bartay wiilkii oo iyana usocota dalka maraykanka iyana sidii oo kale Waa uu mehersaday way baxday. Iyaduna ilaahay amarkii waxay tagtay gobolkii ay joogtay xaaskiisa kale waxaana meesha ku yaal Hal xawaalad wax SOMALI leedahay meesha ayeyna aad ugu yar yihiin Soomaalidu qofkii qof Somali arka waa uu ku dhagaa jacayl dartii.Malin maalmaha kamid ah ayaa labadii gabdhood Hal mar soo wada galeen xawaalada waana la isa salamay abaayo Somali maa tahay haa ana sidoo kale goormee timid hada mudo sanad wan joogay yaa dhex martay. Salaan kadib gabartii markay lacagta direysay ayay maqashay magaca ninkeeda oo sadexan oo gabartani ku direyso lacagta waxayna tiri abaayo wiilkan aad lacagta u direyso waayo maxaadse isku tihiin Gabartii ayaa tiri Waa ninkeyga, talo faraha ayay ka baxday timahaa la isku dhagay anba Waa ninkeyga ayaa ka dhacday kadib Waa hishiiyeen labadii gabdhood waxayna u hishiiyeen ninkii isku mar ayay soo waceen xariifkaan oo islii qaad u fadhiyo waxaana la yiri labadeenuba  waan ku furnay macalinka ee magalada iska dhici.

Share:

Read More

[ Sheeko Xikmad Badan ] Gabadhii Xikmada Lahayd

Cumar ibnu Khadaab ilaahay raali haka ahaadee wuxuu fuulay minbarkii masaajidka wuxuuna go’aamiyey inaan maherka dumarka aan laga badinin Afar boqol oo dirham sababtoo ah nabigu kamuu badinin maherka haweenkiisii. Markuu Amiirkii mu’miniintu ka dagay minbarkii ayey gabadh muslimad ah oo xikmad badan ayaa tidhi; amiirkii mu’miniintoow ma waxaad go’aamisay inaan maherka laga badinin Afarboqol? Cumarna haa ayuu dhahay. Waxay tidhi gabadhii; sideebay u noqonaysaa sidaas amiirkii mu’miniintoow, miyaanad maqal aayada Quraanka (وآتيتم إحداهن قنطارا) (ood midkood siisaan Qindaar) Qindaar macnaheedu waa xoolo badan oo aan xadidnayn. Cumar wuxuu yidhi; dadkoo dhan way ka fiqihi wanaagsanyihiin Cumar kadibna minbarkii ayuu fuulay isagoo faray dadkii inay bixiyaan waxay doonaan

Share:

Read More

[ Sheeko Qosol Badan ] Xoolihii la waayey..

[ Sheeko Qosol Badan ] Waxa laga soo wariyaa Imaamkii waynaa ee Abuxaniifa ilaahay...

Waxa laga soo wariyaa Imaamkii waynaa ee Abuxaniifa ilaahay naxariistii janno haka waraabiyee inuu nin u yimid oo uu waydiiyey su’aal cajiiba, wuxuu yidhi; Imaamoow, waxaan lacagtaydii ku aasay dhulka kadibna waan waayey meeshaan ku aasay, waanan baadhay illaa iyo mudo manaan helin ee ii sheeg shiikhoow xagay lacagtaasi taalo? Abuxaniifa wuxuu dhahay; su’aashani maaha mid la waydiiyo culumada fiqiga!! Kadibna imaamkii Abuxaniifa mudo ayuu fakaray, wuxuuna ninkii ku yidhi; saw doonimaysid inaad hesho lacagtaadii, waa inaad tukataa salaad caawa illaa inta qorraxdu kasoo baxayso.

Ninkii waa baxay oo bilaabay inuu tukado salaadii hase ahaatee markuu dhawr rakcadood tukaday ayuu ninkii xasuustay meeshu ku aasay lacagtii kadibna intuu salaadii ka baxay ayuu soo saartay lacagtii. Subaxii ayuu wadaadkii uyimid oo yidhi; Imaamoow, ilaahay khayr haku siiyo sidaad ku garatay inaan lacagta helayo? Wuxuu yidhi; waxaan ogaa inaanu Shaydaanku salaad intaas la eeg kuu ogolaanayn markaasu ku xasuusinayaa si uu kaaga mashquuliyo salaada Ilaahay. 

Share:

Read More

SHEEKO: Iska Illow Boodhari iyo Hodan, Qays iyo Layla, Lamaane kale oo Jacaylka Astaan u Noqday Adduunkana Taariikh ku Reebay!!

Jacaylku waa Maxay?

Culumadii Hore ee Falsafaddu waxay ku wareereen in ay Qeexaan macnaha dhabta ah ee Jacalka , Plato oo kamid ah culumadii Giriirgga ayaa yiri: ” Jacaylku waa dareen ku dhalanaya qofka oo aanuu horey u hayn”.

laakiin Ibnu Xazmi oo kamid ahaa culumadii hore ee Islaamka ayaa ka wanaagsaa oo waxa uu ku qeexay Jacaylka kitaabkiisa la yiraahdo “Dowq al-Xamaam, in Jacaylku yahay mid sibiq kugu gala adigoon fahamsaneyn, laakiin dhamaadkiisu  yahay  dhab oo aan la sifayn Karin, laakiin dhibaatadiisa aad dareemayso oo qura, diinta islaamkuna ma inkirsana” ayuu yiri Ibnu Xazmi.

Waxaa kale oo jacaylka lagu qeexaa inuu yahay dareen soo jiidasho iyo ka helid wata, kuuna jiidaya shakhsi xagii oo kuu riixaya.

 Jirka aadanuhu waxa uu soo saaraa hormoonka la yiraahdo “oxytocin” oo loo yaqaanno hormoonka dadka is jecel, marka dadka is jecel ay kulmayaan ayuuna shaqeeyaa, kaas oo qofka galiya dareen aan la qiyaasi Karin.

Jacaylku waaa awoodda ugu ballaaran caalamaka ee qalbiga aadanaha ku ciyaara, waxa uu kuu hogaaminayaa meel aadan fileyn.

Hadaba iska illoow Qays iyo Layla, waxaan idin soo gudbineynaa sheeko kale oo kutubta taariikhda ku qoran jacaylkuna uu cinwaankeeda yahay.

Cabdullaahi binu Cijlaan…..Ninkii Xaaskiisa Jeclaa!!

Waxa uu kamid ahaa gabyaagii wakhti jaahiligii Carabta (Islaamka ka hor), waxa uu ka dhashay qabiil la oran jiray Fahad, waxa uu ahaa madi oo hooyadii iyo aabihii isaga oo kaliya ayay dhaleen.

 Isagoo maalin maalmaha kamid ah meel wabi ah maraya ayuu arkay qof dumar ah oo wabiga ku dabaalaneysa, waxaa ku dhacday waan ku arkay oo waan ku caashaqay, waa uu jeclaaday, sid degdeg ah ayuuna u guursaday.

Markii ay 8sano kasoo wareegatay guurkooda ayaa sheekada Cabdullaahi iyo Hinda oo xaaskiisa ahayd ay magaaladii ku faaftay, iyadoo gabadha lagu xamanayo iney madhaleys tahay, arrinkaas oo ayay qaadan waayeen waalidkii Cabdullaahi oo markii horeba madi uu ku ahaa oo kaligii ay wax caruur ah ka lahaayeen, Cabdullaahi waxa kale oo uu madax u ahaa qoladiisa.

Waalidkii ayaa dhigay dabin xeelad ah oo uu ku kala geynayo Cabdullaahi iyo Hinda,  xilli habeen ah ayaa la sarkhaamiyay isagoo sarkhaansan ayaa Hinda laga furay.

Markii uu soo baraarugay oo ay sarkhaddii ka baxday, ayuu arkay in jacaylkiisii uu guriga ka tagay, sida ay wax u dheceenna loo sharxay, ayaa waxaa uu gaadhay heer uu u waasho, cir iyo dhulna uu xamili kari waayo.

Muddo kadib waxaa lasoo gaarsiiyay iney guursatay Hinda nin reer bani Nimir ah oo ka dhashay qolo kale oo ay cadawadi ka dhaxayso.

Cabdullaahi waxaa ku dhacay niyad jab, qoruxdii uu Illaahay u dhaliyay way baaba’day aadna wuu u caatoobay, wuuna xanuusaday, waxaa usoorogali wayday inuu booqdo gabadhii uu jeclaa sabab cadaawad oo laba reer ka dhaxaysa awgeed, noloshii ayaa u dhadhami weyday, qalbigiisii ayaa murugo waxay doonto ka sameysay.

Laakiin Hinda waxay ogaatay in dagaal uu ka dhex qarxayo laba qabiil ee Nimir iyo Banii fahad, waa qabiilada ninka qaba iyo jacaylkeedii hore, waxay farriin u dirtay Cabdullaahi si uu u feejignaado dagaalkana aanuu ugu dhiman, laakiin arrinkaa ayaa waxaa ogaadya ninkeeda oo kadibna saaray ilaalo adag si aan warka Cabdullaahi aan marnaba loosoo gaarsiin.

Laakiin Cabdullaahi Bin Cijlaan ma aanuu quusan waxa uu naftiisa u huray sidii uu mar un Hinda uu ku arki lahaa, wax kastaaba ha dhacaane.

Habeen ayuu soo guureeyay waxa uu soo jibaaxay khatarro farabadan, waxa uu arkay Hinda odeygeedii oo geel dhaaminaya iyaduna ay hareer fadhido, waxa uu ka dagay faraskiisii waxa uu u cararay dhanka Hinda oo iyaduna u istaagtay markay aragtayba, way isku soo ordeen oo ay isku kor ooyeen, iyadoo ninkeediina uu si layaab leh u eegayo waxa agtiisa ka dhacayana ay anfariir ku noqotay, isla markiiba dhulka ayay ku wada dhaceen, ninkii wuu cararay bal si uu u eego waxa ku dhacay, wax dhaqdhaqaaq ahba wuu ka waayay, illeen isla ilbiriqsigiiba way isla dhinteen, qoladiisii ayuu iskugu yeeray, waxay u qodeen halqabri halkaas ayayna si wada jir ah ugu aaseen, Alla Jacaylku Balo badanaa!!!

Share:

Read More

Qisso cajiib ah: Markaan Qaadkii ku mirqaamay ayaan Xabsi ku galay Kijinkii gurigayga!!

Majiro qof ii sheegi kara fa’iido iyo waxtar uu Qaadku leeyahay ,Qaadku miyirka iyo maankaba waa uu lumiyaa,waxaa laga yabaa in dhibtiisu ay kalla badan tahay balse waxaa la isku raacsan yahay in uu Qaadku yahay daroogo iyo maandooriye Somalidu caadaysatay,waana midka maanta qayrkeed ka reebay .

Waxa laga yabaa in dadka qaarkii ay faa’iido u arkaan ka ganacsiga geedka Qaadka iyo dhaqalaha yar ee kooban ee ay quutaan qoysas iyo dad yaw iyagu geedka Qaadka ka dhigtay wax ay ku shaqayastaan si ay ugu dabaraan nolol-maalmeedkooda.

Balse marka la rabo in la qiimeeyo faa’iido iyo khasare Qaadku midka uu leeyahay ,laguma qiimeeyo qoysaska iyagu tirada yar ee ay dhici karto in ay masaariif joogta ah ka helaan ganacsiga Qaadka,balse waxa wax lagu cabiraa maajooratiga dadka iyo dhibatada uu ku hayaa inta ay leeg tahay.

Aduunyadan korkeeda marka aad eegto waxa ugu muhiimsani waxa uu noqonayaa Bini-aadmiga ,Qaadkuna waxa uu dilaa oo dawga doosan ka lumiyaa waa Aadanaha oo ah kan ugu mudan noole Ilahay abuuray ,taas awadeed ayaa Qaadku waxa uu noqday mid bahdila noloshana ka leexiya Dadkii la rabay in ay Aduunka wax kusoo kordhiyaan.

Marka laga yimado dhibaatoyinka uu Qaadku uu ku hayo dhulka ay ku dhaqan yihiin dadka Somalidu,waxa iyana marag-madoona in Qaadkii aanu marnaba aanu inagaga hadhin meelkasta oo aynu Aduunka tagno ama aynu ku nolaano ; sababta oo ah mar hadii ninkii cunaayay uu nool yahay way adag tahay in Qaadka laga waayo meesha uu joogo.

Hadii aan dib ugu soo noqdo qisadan aadka u quruxda badan isla markana layaabka iyo amakaagu ku dheehan yahay,taasi oo ka hadlaysa nin dhalinyaro Somalimeed oo Mirqaanka iyo cunista Qaadka ay mudo aad u koobani ugu danbaysay balse hal maalin oo uu dib u bilaabay ka sheekaynaaya wixii uu kala kulmay.

Ducaale waa nin dhalin yaro ah,wakhtigan xaadirka ahna ku nool dal ka mida wadamada Yurubta,Ducaale waa dhalinta iyo Aqoonyahanka la majiirto (la hiigsado) ee ay dadka Somalida leeyhiin,Ducaale waa nin ay ka muuqato in waxbadan oo dhanka noloshiisa ah horumar la taaban karo ka sameeyay.

Hadaba Ducaale oo aan la odhan karin ,waxa uu markii horaba ahaa dadka cunista Qaadka ku danseegay,hadana iyada oo ay sidaasi tahay Ducaale ma uusan ahayn nin ka gacan madhan isku dayga cunista Qaadka , madamaa ay saxiibadii iwm ay ahayeen kuwo iyaga laftoodo aan ka nafsi-galin marka la keeno magalada ay joogaan.

Ducaale wakhtiyar ka hor ayaa waxa uu safar ku tagay sida uu ii Sheegay dalka Jabuuti,halkaasi oo uu u tagay dan iyo muraad uu leeyahay,balse Jabuuti madamaa ay tahay dhul ka mida kuwa ay Somalidu leedahay, lagana yaabo in ay Jabuuti tahay magaalo ku imtixaaman kuna ibtilaysan ka ganacsiga iyo cunista Qaadka.

Ducaale ayaa waxa uu ii sheegay madamaa uu ka mid yahay nin wakhti aad u horeeya soo galay wadamada Yurubta ,walina aan daynin go-aanna aan ka gaadhin joojinta cunista Qaadka ,in uu marka uu doonaa in marqiinka Qaadka uu meel kusoo hubsado in uu u dhoofo dalka Jabuuti.

Ducaale oo muddo aan sidaasi u badnayn Jabuuti kusoo cunay sida uu ii sheegaayo Qaad aad u layaab badan,maskaxdiisa iyo miyirkiisana uu ka helay in malaha ay Jabuuti ay tahay halka kaliya ee marka uu mirqaanka Qaadka uu doonaayo uu tago,ayaa waxa uu kusoo noqday muddo yar ka bacdi dalkii uu deegaanka ku ahaa.

Ducaale oo sidaa aynu soo sheegnay malaha shahadada mirqaanka Jaadka hadiiba ay cidi bixinayso waxa uu siin lahaa magalada Jabuuti gaar ahaan goobahii iyo marfishyadii uu ka camiran jiray .

Ducaale ayaa waxa aan waydiiyay markii aanu kulanay ,ma jeclaan lahayd in cunista Qaadka ay maanta kuugu danbayso,sababta aan sidaasi u idhina waxa ay ahayd,markii aan arkay in Jabuuti siduu ugu soo mirqaamay iyo halkan uu joogo Qaadka yimadaa sida ay kaaf iyo kala-dheerti u yihiin.

Ducaale waxa uu iigu jawaabay isaga oo xasuus dheer oo dhinaca mirqaanka ah galay “Allay lehe sidaa aan sheegay mirqaan horta waa ka Jabuuti,halkan(Yurub) Qaad la cuno oo u dhigma kii Jabuuti ma yaalo lagamana heli karo,balse hadii aad i waydiisay in aan sidaasi ku dhaafaayo iyo in kale,waxa ay ila tahay in malahayga aan u yar nasandoono.

Ducaale waan arkaa wali in aan qalbigiisa iyo maskaxdiisa wali aanu ka jarin cunistii qaadka balse uu yahay nin uun sii hibataynaaya (iswaydiinaaya) Carabkiisana kasii dhadhan sanaaya qadhaadhkii caleentii Qaad ee uu Jabuuti kusoo cunay.

Hadaba hada maxay ayaa dhacay, Ducaale maxaa kusoo kordhay,ma Qaadkii ayuu dib ugu noqday,haduuse ku noqday ma yahay Ducaale mid ka helay mirqaankii u danbeeyay ee uu kalasoo kulmay Jabuuti.

Wixii dhacay halkan ka akhriso:-

Somalisdu waxa ay ku maahmaahdaa,waxaad waaliftoo wad kaa helin ka waantoobi waa war loonoqon,iskastoo halku dhigaasi aan la odhan karin waxa uu ka durjumayaa wax wada run ah,hadana Ducaale laftiisa ayay taasi hada qabsatay .

Ducaale maalin maalmaha ka mida ayaa waxa uu guntiga dhiisha iskaga dhigay in uu maanta Qayilo, taasi oo ay ugu wacnayd in aanu goynin xidhiidhkii isaga iyo Qaadka u dhaxeeyay ,malahayga waxa uu is yidhi Ducaale geedkii Qaadka ahaa xus iyo xusuus u samee maxaase ka raacay .

Waxa Qaadka Miirooga layidhaa u keenay akhyaartii iyo saaxibadii uu lahaa,waa uu og-yahay Ducaale in aanu marnaba helayn hiigsanayna mirqaankii uu kala soo huleelay dalka Jabuuto,hadana iyada oo sidaasi ah waxaa Ducaale aan ka maqnayn in uu cunista Qaadkan hada loo keenay uu ka heli doono waxoogaa Mirqaan ah oo macmal(iska yeelyeel) ah calashaan aan gaadhayn kii Jabuuti.

Ducaale intiii itaalkiisa ahayd iyo sidii uu Mirqaan u heli lahaa ayuu u tafaxaytay,waxa intaasi weheliya nin Qaad soo cunay ayaa yaqaanee , in la fadhiisto goob markaasi ku haboon fadhiga,saxiibada iyo akhyaarta cusub ee aad muddo kala maqnaydeen waa kuwo iyaguna xiiso gaar ah u yeela madasha ama marfashka markaasi lagu Qayilaayo ,sheekada iyo iska xaal wearaysiga halka uu dalku maanta maraayo waa qayb ka mida sheekooyinka mala-awaalka ah ee Qaadku leeyahay,waana kuwo aan go’aamo wax ku ool ah aan laga soosaarin.

Ducaale ma uu laba-canlayn sida aan warka ku helay ,balse waxa uu ku cunay Qaadkii halkii can(Daan) ee awalba Qaadka lagu cuni jiray bidix iyo midig midkuu doono ha ahadee ,Qaadka oo isagu leh wehel iyo walaal joogta ah oo layidhaa SIGAAR ,sida aan warka ku hayo Ducaale markan waxa aad moodaa in uu iska dhaafay,balse ma garan karo in isaga laftiisa uu Jabuuti kusoo nacay ,waxaana dhici karta in uu mar uun sidii Qaadka ku hinqan doono .

Ducaale markan u jiqilaysay Qayiladii ,shaeekada laba laba iyo sadax sadaxba loo wadaag,shaaha Bigayska iyo koobabka yaryar ee loogu talagay lays dhaafsay ,amintu waa habeenimo,wakhti kastaba ha la fadhiistee saacadu waxa ay noqotay mid ordaysa.

Xiligii loogu talagalay in ninkastaaba uu Buulkisii ku caraabo ayaa la gaadhay,Ducaale waa kaligii ,waxa kaliya ee markaasi weheliyaa waa mirqaankii iyo raadkii uu kaga tagay,Jabuuti markan lama hadal hayo, Shahadada mirqaankana hadii sacadaasi gudaheed la waydiin lahaa Ducaale cida uu siinaayo walee in aanu laba-lugodiyeen waxa uu odhan lahaa KA NOQO JABUUTI,MIRQAAN WAA KAN HADDA.

Waa halkii reer Burcee malaha Ducaale QAADKII AYAA WAX U TARAY,Ducaale hal mar ayuu dhaqaaqay isaga oo raba in uu markaasi Jikada ama Madbakha in uu wax kasoo qaato,markii uu Kijadii gudaha u galay Ducaale ayaa waxa uu jidhkiisa ka dareemay Qabaw aanu markaasi meel uu ka yimi aanu ogayn;qabawgaasi oo intiisa badan ka haya Xundhurta wixi ka heeseeya ;waar ibtilo badanaa.

Ilayan Mirqaan waa miyir doorsoone,Ducaale isaga oo isla hadlaaya ,kuyee “waa maxay qabawgan aanan waligay arag ee maanta Kijinka aan kula kulmay xagee layga soo raacay,miyaan miyir doorsoomay ,miyaan xanuunsanayaa ,waa sidee xaalku “Ducaale markan waxa uu u dhaqaaqay dhanka Daqada uu Kijinku leeyahay si uu u hubiyo bal in ay furan yihiin iyo in kale daqadahii, ha sheegin meelkastaaba waa ay albaaban tahay.

Ducaale sacadaasi hadii la waydiin lahaa sababtii iyo ujeedadii uu Kijinka usoo galay iyo waxa uu ka rabay kama warami karo, waayo xaalad kale ayaa ku furan oo waatan Eerkudhishino qabaw iyo Talaagado hoosta loo galiyay .

Islanimadu waa shay qaaliyee Ducaale markan xasuusay in ay wax ka qaldan yihiin kadibna shaydaanka iska naar ,isaga oo hareerta eegaaya,diidaayana in la maqlo dhawaaqa iyo hadalka uu shaydaanka iskaga naaraayo waxa uu yidhi “Acuudu bilaahi mina shaydaan i rajiim” carabka ku adkee si aanu qiraa’ada iyo kalmadan shaydaan xijaabku aanay uga qaldamin ilayn waatan oo lasoo weerarye.

Ducaale hadii uu Shaydaankasta naaray xaalku wali waa sidii,qabawgoo iyo dhaxantii jidkiisa qaybo ka mida haysay waa ay soo siyadaysaa,wax uu sameeyo ma yaqaano,sheekadu shaydaan-naar ku dhamaan wayday ,malaha in uu Suuratul Baqra dabada qabsado ayuunbaa u hadhay balse taas wakhti uma hayo ,waayo waa looga daran yahay oo Qaboojiye bilaa lacaga ayaa jidhkiisa qayba ka mida ka baxaaya ;kuwaasi oo hadii ay sii siyadaan aan la garanayn wax ay isu badali doonaan.

Akhristayaal aan idin xasuusyo,Ducaale marka uu xaalku sidaa ku yahay waxa uu dhex jooga waa gurigiisii,waxaana kula nool Xaaskisii iyo dhamaan caruurtii uu dhalay oo leh kuwo waa wayn iyo kuwo yaryarba.

Ducaale oo mashquul ku ah Qabawgan iyo qadh-qadhyadan jidkiisa qayb ka mida lagaga riday , garanna la si uu wax u sameeyo,ayaa markaliya waxa uu ogaaday in jidhkiisa qaybta uu qabawga ka dareemayaaba aanay xidhnayn ama aanay saarnaynba wax maro layidhaa,Ducaale bal-adba sheeg goor ugu danbaysay Macawistiisii ,Surwaalkii waa QAWANAAN MUDH IYO GACAN AH marka laga bilaabo Xundhurta illaa Lugaha hoose ,Ilahaw ceeb astur.

Ducaale waxa uu taatabasho kala daalay jidhkisii hoose si uu u hubiyo in uu qaawan yahay in ay run tahay iyo inkale ,balse arag markan in gacantiisa iyo meesha uu taabanaayo aanay jirin wax maro ah oo u dhaxeeyaa Masarna Allah ha ka yeelee,xaalku waa siddi-muldhukh.

Ducaale markan arag in qabawgu meesha uu ka imanaayay ay tahay qawanaanta aanu war ka hayn ee ka jirta qaybo jidhkiisa ka mida,balse su’aasha meesha ku jirtaa waxa ay tahay,Ducaale wakhti intee leeg ayuu sidan ahaa ?isaga ayaynu waydiin.

Markii uu Ducaale garawsaday in jidhkiisa qayb ka mida aanay jirin wax maro ah oo saarani ,male iyo muranna uu ka saaray in uu yahay mid qaawan oo Xundhurta wixii ka hooseeya aan xataa Nigisna lagu ogayn ,ayaa waxa uu markan bilaabay sidii uu isu asturi lahaa.

Bal-qabsoo mirqaanka awadii wali Ducaale waa uu dayaysan yahay,maskaxdiisana kumay soo dhicin meeshan aad joogtaa waa gurigaagii,cabsidii iyo xishoodkii uu ku labahnaa mirqaanku ayuu wali la baaxaa degayaa.

Goobtan uu ku jiraa waa Kijinkii cuntada lagu karinaayay ,sidaan hore idin kusoo sheegay,Kijinkuna malaha ama caado uma aha in laga helo maryo iyo dhar uu Ducaale iminka isku asturi karo,guriga intisii kale waxaa laga yabaa in uu yahay mid laga seexday,hadana iyada oo sidaasi ah Ducaale waxa uu mirqaanku tusay in aanu Kijinka dhinacna uga bixi karin ilaa uu helo wax uu cawradiisa ku qariyo.

Ducaale jidh ahaan waa nin runtii la odhan karo Somalida waa ragga ugu dhaadheer,hadana iyada oo ay sidaasi tahay ayuu Kijinkii kadaloobaa oo uu jiif-cabee ku jiraa ,mar danbe ayaa waxa uu meel aan ka durug sanayn ku arkay Galka lagu dahaadho kuraasta ,soo jiiday kadibna jidhkisa intii ka banaanayd is yidhi ku qari adaaba sheegaaya waayo waa nin laba Midira.

Qofku haduu mirqaamo ilayn waa maan la,aane ,Ducaale waxa uu u eekaaday sidii nin ku gadoon san goob dagaal ,markii uu arkay in Galkan Kuraasta la galayaa aanu jidhkiisa qayb ka midabna aanu asturayn, Ducaale markan talo ayuu keenay,waxoogaa garaad iyo maskax aanu ka madhnayn Mirqaankii ayaa kusoo maaxay,waxa uu ku tashaday in sidii Tuug wax xadaaya in uu markan dhabaro walibana uu Gurguurto ,isaga oo hareeraha iska eegaaya sanqadh kasta oo baxdana ka didaaya ayuu gurgurad iyo jiif cabbee waxa uu kaga soo baxay qolkii uu saacadaha ku xabisnaa ee Kijinka.

Balse waxa ay sheekadu qosol iyo xalad intan ka badan ay yeelan lahayd, iyada oo Ducaale oo gabaara-gurdaynaaya Kijinka gudahiisa Karbaashkii yaraa ee korkiisa saraana uu ka dhacay ay kusoo tosaal Caruurtii iyo Hoyadood ,ay arkaana odaygii reerka oo caawa jiif-cabbee ugu jira waxaan la garanayn;balse xaajiga Ilahay waa dhaafiyay fadeexadaasi.

Ducaale iyo Qaad habeenkaasi wixii kala qabsaday waa tariikh lama ilaawaan ah,Ducaale iyo xabsigii Kijinka kaga dhacay oo ay dheer tahay ilawshiiyaha wixii uu u galay waxa ay noqotay arin Ducaale iyo saxiibadii ay ku sheekaystaan.

Hadaba su’aasha iswaydiinta lihi waxa ay tahay,Ducaale wakaas inoo soo gudbiyay habeenkaasi wixii ku dhacay iyo dhibatadii ka qabsatay mirqaanka,balse saxiibadiisii kale ayaa la rabaa in iyaga laftoodo ay soo gudbiyaan isla xiligaasi iyo mirqaankaasi maalintaasi wixii ay la kulmeen.

Dhacdadani waxa ay ku muujinaysaa in uu Qaadku yahay maandooriye balse Somalidu si ay maankaasi doorsoomay aanay carabka ugu balaadhin ayaa waxa ay ula baxiin wax ay u yaqanaan MIRQAAN,Mirqaana waa uun qof maanku doorsoomay .

Akhriste goorma ayay kuugu darnayd hadii aad ka mid tahay kuwa iyagu wali Qayila ,inkastoo aan filaayo in sida ugu dhakhsaha badan aad isaga dayndoontaan.

Qisadan Nuxurkeeda waxaa iiga sheekeeyay ,Garaad Mubaarik Cabdiraxmaan Yusuf .

Share:

Read More

Waa qiso dhab ah oo ka dhacday Dalka Yeman

Waa qiso dhab ah oo ka dhacday Dalka Yeman.
Sheekadan waxaa ka sheekeynaya bukaan ka mid ah bukaanno farabadan oo Dhakhtarka  ku jira . Wuxuu ku bilaabay sheekadiisa maalin maalmaha ka mida ayaa waxaa Dhakhtarkii  aan ku jiray  la keenay nin aad u cabaadaya kaasoo cabaadka ka baxaya bukaan kasta oo cisbitalka jiifa is yidhi adiga xanuunka ku haya waxba maaha.
Ninkaasi cabaadaya waxaa la seexiyay qol aniga iga soo horjeeda.

Waxaa la gaadhay xilliga booqashada ehelada loo ogol yahay inay soo booqdaan bukaanadooda meesha kaga jira.
Laakiin waxaa la yaabay!!! ninkan dadka soo booqanaaya oo ah eheladiisa iyo asxaabtiisa qof kasta markuu qolka ka soo baxaayo wuxuu soo baxayaa isagoo qoslaya qosol xad dhaaf ah oo adiguna aad kusii darayso mid kale.
Anigu waan is ciilay la yaab ayay igu noqotay, waxaan is weydiiyay naxariis darrada dadka ka muuqata ee soo booqanaya bukaanka xanuunka haya dartiis la cabaadaya & sida qof walba isagoo qoslaaya oo qosol  beerku la cadaaday uga soo baxayo bukaanka.
Markay xiligii booqashadu dhamaatay ayaa waxaan u tagay ninkii bukaanka ahaa , markii aan sidaa ugu soo galay ayaa isagoo cabaadaaya waxa uu igu yidhi, “Adigana ma waxaad iigu timid inaad iga maadsato”.
Intaan xoogaa aamusay  ayaan ku idhi maya walaal, laakiin anigu waxaan ahay bukaan waxaanan ku jiraa qolka kaa soo hor jeeda, waxaanan kuugu imid inaan xaalkaaga ogaado anoo ka xun dadka maantoo dhan kugu qoslaayay. Balse walaal waxaad ii sheegtaa sababta dadkan oo dhan iyagoo qoslaya ay albaabka uga soo baxaayeen.
Ninkii waxa uu ka sheekeeyay  sababta loogu qoslaayay, wuxuuna yiri, “ Ninyahow hadii aan sheekada kuu sheego anigu waxaan daganahay guri dabaq ah, habeenkii markaan seexanaayo daaqadaha ma xidho guriga, waxaa igu dhacay waan riyooday, waxaana ku riyooday iyadoo aan aakhiro joogno oo  dadka loo kala saaraayo ahlu jano iyo ahlu naar.
Waxaa meesha taagan basas fara badan oo ay ku qoran yihiin numbers kala duwan, marka dadkii waa la xaadirinayaa , qofkastana magiciisa ayaa la sheegayaa ,  qofkii ahlu jano noqdo waxaa la leeyahay waxaa raacdaa baska hebel.
Baska naarta 100 km & baska janada 50km.
Magaceygii ayaa la soo gaadhay  waxaa la igu yidhi waxaad tahay ahlu janno waxaad raacdaa baska 53.
Aniga oy  farxadu iga farabadatay  waxaa doondoonay baskii 53-aad ee aan ku qornaa, markan helay dalaq ayaan soo idhi.

Markii xoogaa uu sii socdo waxaan aragnaa boodhadh ay ku qoran tahay Janadii waxaa idinka hadhay 20-km , kadib waan sii soconay aniga hurdaa ila yara tagtay waxaanse  mar qudha ku soo baraarugay oo indhaheygu qabteen km-ka inoo hadhay, waxaana ku qornaa naartu waxaa idin ka hadhay 40 km. Anigii waa naxay, dadkii ila saarnaa ayaan weydiiyay war baskan xagee buu u socdaa? Naarta, ayaa la iigu jawaabay .

Mar labaad ayaan waydiiyay Nambarka baska aan saaranahay waxaa la ii sheegay 35 inuu yahay , illeen farxadii ayaa iga fara badatay oo nambaradii basaska ayaan isku khalday anigoo soo raacay baskii ahlu naarka; talaa igu cadaatay .

War anigu ahlu janaan ahay waan soo khaldamay , waaba la igu qoslay kkkkkkkk,wixii baska saarnaa oo dhani anay igu maad sadeen.

Aadbaan u naxay darawalkii ayaan ku idhi ii jooji ,waxaa  uu ii sheegay basku inuu meel qudha istaagayo waana naarta, bidixdaan eegay waxaa iga fadhiya shaydaan , baskii oo dhan anaa lagu wada qoslayaa oo la igu maadsanaya, Anigoo waxaa sameeyo garan  la’ oo baskii ku sii dhawaanaayo Naarta, ayaan mar qudha harraanti u qaaday Albaabkii baska oo aan iska tuuray, balse waxaan ka war helay anigoo cisbitaalkaan jiifa.

riyaadii  ayaa run u noqotoo daaqadii dabaqa ayuu ka soo dhacay wuuna jajab……

Share:

Read More

Waa sheekadii iyo maansadii ka dhalatay dhacdo jacayl gabnoobay oo ahayd

Waa sheekadii iyo maansadii ka dhalatay dhacdo jacayl gabnoobay oo ahayd sida tan;

Waxay ahayd 7;30 habeenimo aniga oo socdaal caafimaad ku tagey magaalada Addis ababa, halkaas oo aan si kadisa ula kulmay saaxiibkay Deeq oo ahaa wiil dhalinyaro ahaa ,oo farxaana laguna asteeyo furfurnaan, iyo waji hillac,

hasayeeshee waxa deeq bariinsaday oo bahdii iyo barkii kala baxay kalgacal facwayn oo ku fogaaday dhaamaan feedhaha iyo waxaayaha jidhkoo idil, taasna waxa sababay jacayl dhiiranaa oo si kal iyo laab ah loogu qaabilay kalsooni badan oo niyad sami ku dheehantahay, waxaana caashaqaa ku abuurmay oo sida midhaha geedaha ku abqaalay kuna beeray gabadh la yidhaah ifraax, gabadhaasi oo sida waqalka uga heelaacday wadnihiisa bidix, horaa loo yidhi

“JACAYLKU DAACAD IYO HADDII UU HELO DARYEEL MA DUUGOOBEE OGAW”.

Ifraax xiligaa waxay deeq u muujisay dabacsanaan iyo dareen, iyo xushmad wayn, dabadeed deeqna waxa uu u muujiyay gabaadhaa , dareen naxaaris, taas oo labadaba fagaaraha aakhyaarta looga yaqaanay mataanihii jacaylka,waxaana dhex yaalay miisaan jacayl oo xaqsooran, labaadaa qof oo isku indho kuulan jiray waxaanay ahaayeen ,

dhaayo iyo aragood, dhoola iyo qosolkood ,laf iyo dhuuxeed,

waayo waxay ahaayeen ul iyo diirkeed,,Deeq waxa uu jacaylku ku kalifay in uu naftiisa u hibeeyo ifraax una huro maankiisa iyo maskaxdiisa, taa dhigeedana ifraax ayaan dabyar shideyn oo keentay heer ilaa cuntada ay cunayaan ka dhigtaan isku mid.

Oo si kaftan kalgacayl ku dheehanyahay isku su,aala , manta ama caawa caloosheenu waa mid, sidaa darted aan anfaco isku mida quudano ee maxaad cunaysaa caawa, waliba xiliyada ay waqti kulan isku helaan, waxay ahaayeen laba qof oo labiska ama huga oo qudha ku kala duwan , dhar ahaan, balse muuqa iyo midabka iskaga mid ah, jacaylkaa gaaxday ee heerkaa halista ah gaadhay, ee hadii ayna is arag saacad midba dhibta uu dareemayo, dhalan gadiyayso ka kale,AYAA WAATII HORE LOO YIDHI DABAR IYO HOGAAN IYO DANI WAA SEETEE.

Iyadoo xaal halkaa marayo ayaa waxa dhoof u soo baxay ifraax, nasiibkaa mid udhawna waxa helay Deeq, oo waxbarasho jamacadeed u helay ADDIS ABABA, ifraax oo u socota Denmark iyo deeq oo jamacad u tagay adiis, ayaa labaduba safarkii gaadhi ugu baqoolay meel labadaba dantoodu ku xidhnayd.

waxa ay noqdeen laba nafood oo isku mid ah, oo isku milmay,daymada indhahaa isku doogsade, sababtoo ah DHAAYIHII IS JECELBAA DHAB AHAAN IS RAADSHO DHAYAL UKALA JEEDSAN.

intii jidka lagu jiray qooraansi eegmada indhihii ayaa qaloocday, naf wax jecel ag joogta waa u nasiib iyo naruuro, xawaaraha u jaraayo gaadhiga ay saran yihiin waxa barbar socda, xawaaraha uu jaraayo wadnaha iyo dareenka deeq,waayo? Deeq waxa uu u ogyahay safarkiisa inuu ku eegyahay adis ababa, balse ifraax tahay qof u dhoofaysa dal shisheeye iyo dibad fog, is aragii dhaayuhu ku doogsan jireen ku danbaynayo dhagaysi, qudheeda ifraax shidada iyo shawrka kalgacayl kuma yara, oo iyaduba waxay ka fakaraysa jacaylkan safarka galay balse socdaalkii dhawaa fogaanayo, waxay yimaadeen ADISABABA iyagoo umal iyo urugo jacayl, midba gaarkii ula tiicayo,

hasa aahaatee may noqon laba qof oo xaafad wada daga, ifraax waxay dagtay booli, deeqna waxa uu la dagay adeerkii oo caruurtiisa dhoofinaayay oo dagan xaafada la yidhaah SHOOLA.

jacaylkii waxa durba soo food saaray duruufo lagama maarmaan ah. Ifraax waa qof safar kale laga sugayo , oo markiiba waxa loo dhaqaajiyay xaraynta foomka fiisaha iyo hawl safaaradeed, deeq laftiisa jacayl darani haku dagee, oo daruuro kalgacayl xambaarsan dhibica sida mahiigaan ha ugu asqeeyaane, isna hawl ayaa sugaysa oo ah inuu galo jamacada oo u baahan dariiq dheer, balse jacaylka uu u hayo ifraax ayaa ku kalifay intay tagayso in aanu waxbarasho bilaabin waayo?

Waxa aad ugu mudan aragtida ifraax, hase ahaatee ifraax safaarada qacanta kuma haysato, halka uu deeq maalinba waqtiga riixayo, oo uu adeerkii ku maawelinaayo jaamacad I qancisa ayaan raadsanayaa ee dagdagu ma wacna,

waxaanu taas u samaynayaa waa firaaqo aad u heshid yartan ifraax ee lagu beeray maskaxdiisa,ee sida geedka ka dhex baxday, ifraax dhankeeda dhibtu kuma yara oo waxay qaadaysaa oo ay ku sugantahay,AMA DHAMAC KALGACALBAA I DHALAALINAYSOO INTA’AAN LA DHOLANDHOLAY DHEXDU ILA YARAATAY.

Hase ahaatee, tagitaankeeda waxa qabanqaabinaya abtigeed iyo walaalkeed,kuna raad jooga ilaalinta iyo dhawarista ifraax, maadama dhulkani yahay mid shisheeye oo dhaqan ahaan kala duwanahay, waxa deeq uu ku guulaystay in uu helo taleefanka ifraax, waanu lahadlay salaam diiran oo kalgacayl dabadeed, waxa uu u sheegay in galitaankii jaamacda u darted u hakiyay, maadama mardanbe oo ale qadaro mooyee ay tahay aragii ugu danbeeyay, intaa markuu hadalkii marinaayo ayay tidhi, walaal waan qiiro ooyay ee halkee ayaan kugu imaadaa.

deeq ayaa si naxarisi ku dheehantay ugu jawaabay , walaal anaa ku imanayee iska joog, naf wax jeceli dhibanaa, deeq gaadhi ayuu kiraystay geeya xaafada ay daganayd ifraax.

jacayl waayo badanaa ifraax dibada ayay ku sugtay, waana ay kulmeen bariido qacmmeed, faraha la is dhaafsay waxay geeysay guri ay jaar ahaayeen, deeq waa lagu sii diday oo kaarkii caashaqa ayaa ku sii fiday, waxa uu qaadayaa JACAYLKAN DHULKAYGIYO HALKAN IGU DHIBAAYAAN DAL DHEER U DHOOFINAAYAA.

waw, ifraax lafteedu ma dhawa oo waxay maraysaa “sidii aan u laab kacay ladi waayay jiifkoo”, is warayste oo u sheegtay inay heshay fiisihii oo la siinayo laba todobaad oo ah 14 cisho, intaasna ay wada xidhiidhayaan deeq waa u farxad marna waa u naxdin waayo ?

jacaykisi ayaa helay nasiib wacan oo dhoof, marna waa uu murugo, oo ifraax xasuus uu qalbiga ka daawado mooyee isarag imika waa gabaabsi waxaase u leeyahay “dhawristeeda oo qudhaan ayaan dhawr ku qadayaa”, oo agjoogeedu guul iyo farxad ugu filan, waana uu ku hambalyeeyay waxaanu u sheegay in uu sugaayo, intaasna ay xidhiidh taleefan iyo netka kuwada noolaadan, maalinkastana inta ay joogto maagaalada u imanaayo si ILDOOGSI ugu noqoto, ifraax way ka aqbashay, waxaanay tidhi “ADIGA IYO JACAYLKABA IDIN ILAAWI MAAYO’OO WAAN IDIN TABAYAA”, maalintaa iyo maalmihii ka danbeeyaya waxay noloshooda ku qaateen dharaaro macaan, oo midba midka kale uu mabsuudo,

balse , maalmihii sida badda caariday oo soo buuxsantay ayay dagnaan iyo lama filaan ku soo idlaadeen, deeq caashaqu biyo dhig, dhinac walba kalgacaylku u dhaaf, ifraax way laqabtaa dareenkaa hasa ahaatee farahaa ilaahay masimee,waxa qadarin badan oo cishqigu ku wayn yahay waa deeq, waayo?

Isagaa laga tagayaa waxaaba lagaadhay dhoofkii, ifraax bulsho uu ku jirro deeq ayaa sii galbisay,balse deeq meel uu maraayo isma oga, waxaabu ku sigtay inuu diyaarada balaasha qabsado marka laga eego, sida uu u foofay iyo badwaynta jacaylka ee lagaga tagay, waxaase niyada u dhistay ifraax oo tidhi, anaa kuu nool ee ha warwarin la isna maca salaamee

ifraax oyday ,deeqna ilmee dhiig caashaq, duushay oo diyaaradii kacday,deeqna isagoo dalanbaabiya ku soo noqoy halkuu daganaa, waagii bari, deeq qalbiga ayuu ka daalanyahay , intaan xalay moodaayay in uu hurdo,,waxa uu saarnaa diyaaradii ay ifraax raaxday, waa gataati dhac, xili barqo ah ayaan toosiyay, markuu indhaha kala qaaday ayuu yidhi iifraax inoo gee, anoo dareensan waxa ka hadlinyaa in uu yahay jacayl qoto dheer, oo qalbigiisa galay ayaan ku idhi

Saaxiib waataynu xalay anba bixinay markaasuu intuu soobaaday yidhi” alla waa runtaa sxb sideen ahaa “ waxan ugu jawaabay “waa jacayl iyo caadkii” sadex casho markay maqnayd ifraax ayay soo hadashay ayadoo kawaramaysa nabad qabkeeda waana ay wada hadleen

Number uu kala hadlo ayay siisay, waana uu kala xidhiidhi jiray ,

Deeq waxa uu joogaa adiss oo ah, halkii jacaylku kaga dhoofay , waxa ay markasta ishiisu qabataa , maalmihii ay wada joogeen dhulkay mari jireen , taasi hadaba waxa ay deeq kadhigtay , maxbuus qalbiga uga xidhan ifraax oo waxa uu qaadayaa

“ADIGOO DALDHEER JIRAAN HALKAN KAA DAREEMAA IFRAAX WAAN KU JECELAHAY”

Waxa uu bilaabay Tacliintiisii , hase yeeshee isaga ayaabay jaamacadi kafuran tahay beerkiisa

Oo waxa ka ifaysa ifraax , oo marka aanay lasoo hadal waaba bastii oo balo ayaa ka higle

Markuu la hadlana ma ah wiil buka oo waabu bogsadaa , waxaas oo dhana waxa sababay caashaq , jacayl , iyo kalgacayl is urursaday oo guluf ku haya isaga

LAABI LABA U LA hadaba ninkii isku kari waa tacliin iyo taleefan ku hadal , waa ifraax oo biixiyaha dhabarka howl yari ku baahday , waxa uu dhigay qalin kii qalbigana waxa uu ku xardhay ifraax oo kaliya , nasiib daro’se waxay tahay ‘siduu ugu lisay ugumay hambayn’

Ileyn waa gabadh yurub gashay oo jacayl kiiba way ka mashquushay

Isagiina ayada oo kaliya ayaabu ku mashquulsan yahay , maalinba maalinta ka danbaysa waxa sii yaraanayay soo hadal keedii , deeqna wuu sii karaar qaadanayay

Waxa hadaba ku sii kordhay Dhamac kalgacayl oo adkaysi u diiday waxaana qalbigiisa kadhex maaxaysa ifraax oo sida miiraale roob iyo weedhka hadba dhinac kaga meeraysanaysa maskaxdiisa

Gantaal jacayl ayaa siwayn ugu dhacay markii ay ifraax anba baxday , waxaanu noqday baal dabayli sidato iyo badwayn baaxaa dagaysa , waxa uu hadaba deeq hamuun iyo hiirtaanyo uqabaa Hadalka ifraax

Balse iyadu sidii ay u baqooshay way yaraysay hadalkii uu u jeelanaa , hadaba deeq waxa ku dhacay dareen cidlo

Waxaanu noqday maxbuus uxidhan gabadh aan xukun ku ridan oo dulman , Balse ilaa imika deeq waa uu kujiraa Jeel caashaq oo aan lahayn Loyar iyo Maxkamad u dooda Marka laga reebo aniga oo u caqli celin jiray Samir iyo dulqaadna fari jiray

Hase yeeshee ilayn waanadu madeeqdo Ruux jacayl ku wayn yahay Deeq iga diid waanadii Balse Jacayl ayaa dardaray oo waxa uu yidhi

ADAAN DOOG JACAYL IYO KALGACAYL KU DAARINE MIYAAN DUNIBA JOOGAA

SAAXIIB WAAN SILIC SOCDAAYE HADAL KAA IDAM QAAYEE IGADAA WALAAL

Markuu Halkaa marinaayay ayaan go aansaday inaan raadiyo ifraax si aan ugu sheego halka ay saaxib kay lamarayso dhibaatada jacay ee ku kaliyay satay

Nasiib wanaag waan helay ifraax , waxaan se odhaahdeedii kadareemay in uu jacaylkeedu ku ekaa eriboodka (airport) sidaan anigu u maleeyay

Markaa waxaa halkaasi aan kadareemay in jacaylkii deeq iyo kii ifraaxba ku kaliyaystay isla saxiib kay deeq marhadii lagaga tagay oon loo ogayn,

Hadaba ilayn lamaanahayni isjeclaa waxa kala fogeeyay war xuma tashiil , waxa ay nasiibdaradu tahay in ay ifraax rumaysatay warxuma tashiil kaasi soo weeraray

Saxiibkay deeqna waa uu lasocday in lakala fogeeyay hadaba wakhtigaa saxiibkay wuxu isku maaweelinayay hees aan midheheedii ka xasuusto,

CAKU LABA ISBARATOO

ISKU BOGOO ISKALA BAXAY

BOQOLKU IYO DHEERAAD

MARKUU BAAHAY XIISUHU

KALGACAYLKII SOOBAXAY

BISILYAHAY LACUNI LAA

ISBARIIDIN WAAYOO

BINI AADAM KALA DILAY

Bal hadaba kadis kani layaabkale ee dhacay dadoow ufiirsada

Isaga oo deeq ku hawlan heestani oo maskax diisa iyo qalbigu isku jiibinayaan ayaa waxa soo dhacay taleefan aniga idoonaya saxiibkay deeqna uu I agfadhiyaa

Si dag dag ah ayaan u qabtay Waxanan ogaaday in ay tahay ifraax

Bariido aanu is waydaarsanay dabadeed waxa aan markiiba la boobay waano iyo canaan isu jira , intaa kadib waxa aan taleefan kii ugu dhiibay deeq

Hadaba markii aan u fidiyay gacanta taleefanka saxiibkay waxa aan wajigiisa kadareemay

Furfurnaan ,hididiilo , iyo rajo uu kadamacsanyahay soonoqodka ifraax intaa kadib maxaa dhici doona

Deeq oo si dag dag ah u hadlaya ayaa yidhi ‘ walaal is daji cid aan adiga aduunka kaa jecelahay majirto waxaa laguu sheegayna waa waxba kama jiraan ‘

Hase ahaatee iyadu dhag jalaq umay siin halkiina kama dabcin waxaanay ku adkaysatay in wax yaalahaa looga soo tabiyay oo ilayn show ahaa inuu gabadh kale la rafiiqay ay jiraan

Iyaduna fariintan ay waday ay ahayd uun inay kabaxday oo ay is fasaxaan

Intaas oo la is dhaafsaday kadib Deeq wajigiisu wuxuu isu badalay dhidid miidhan , murugo , iyo ciil kasoo if baxay wajiga saxiibkay deeq , waxaanu dirqi ku haleelay intii aanay dhigin telefonka

IBAD BAADI BEERKAAD LABAXDAA BUKOODEE

Markii arinku halkaasi marayay gabal ayaa u dhacay deeq waxaanu ku muusanaabay

WEHELKA WEHELKAYGA CAASHAQA

LAWADAAGI JIRAY BAAN

WALI U YEEDHA

WAKHTIGII WACNAAYEE

IWAYDAARTAY BAAN

WALI XASUUSTAA

Hadaba aniga iyo saxiibkay deeq halkii ayaanu ku kala tagnay habeen kaasi isaga oo aad u murugo iyo ciilba qaba

Waxa la isu soo noqday aroornimadii iyo fagaarihii asxaabtu ku kulmi jirtay

Asxaabtana waxa ku jiray qaybtii kashayqaysay isu dirka deeq iyo ifraax iyagoo ku hadaaqaya erayo laga soo xigtay ifraax oo sumcada iyo sharafta deeq ku tumanaysa , halka uu deeqna marka laga waraysto ifraax uu erayo wanaagsan iyo amaan kabixinaayay hase yeeshee markii ay erayadaasi dhawaca ku sii kordhinayay deeq hadhiwaayeen kalatagistii ifraaxna ay kalmadahaasi kaga dhib bateen

Ayaanu habeen qol isugu nimidnay aniga iyo saxiibkay deeq isagoo ay laabtiisa gubayaan kalmadihii warxuma tashiilku

Wax uu jiif iyo joog xamili waayaba , mar ay goor sheegtu (sacadu) ahayd cabaara 2:30 kii habeenimo goobtuna tahay Ethiopia (adis ababa) ayaa aniga oo hurda waxa aan ku toosay saxiibkay oo jiif iyo joogba xamili la oo kacaa fadhiisanaya

Deeq waxa uu markiiba qaatay Talefan I agyaalay waxaanan waydii yay cida soo jeeda ee uu xiligan garaacayo , waxaanu ii sheegay in uu garaacayo ifraax

Runtii aniga waxa ay igu noqotay layaab dhibaatada saxiib kay uu la baaxaa dagayo

Deeq waxa uu garaacay ifraax , Talefan kii ayaanay ka qabatay , waxaanu ku yidhi isaga oo cabsanaya

“ IFRAAX WALAAL WAA ANIGA WAA DEEQ, KUU MAAN SOO GARAACIN INAAN KAA NIXIYO WALAL, XILIGAN AAN KU SOO GARAACAYNA WALI WAXA AY KA TURJUMAYSAA JACAYL KA AAN KUU QABO, KUNA ILAAWI MAAYO INTA AAN NOOLAHAY WAXANAN RAJAYNAYAA HADII AAN IFKA ISU ARKI WAYNAY INAAN HOYGA AAKHIRO ISU ARAGNO, WAXAAN SE KAA CODSANAYAA INAAD IGA DAYSO CEEBTA IYO AFLAGAADADA TAASOO IGU KEENTA MARWALBA DHAAWAC KAWAYN KII KALA FOGAAN SHEHEENU I YEELAY , WAXAANAN KU FARXI LAHAA ADIGA OO AAN WEEDH SAN KAA MAQLO.

Intaa kadib deeq waxa uu isaga oon iyada jawaab kasugayn dhigay talefoon kii inta kali ah eegubaysayna ay ahayd intaasi uu u qodobeeyay ifraax

Hadaba aniga oo lasocday dhibaatada iyo baaxaa daga ku kali ah saxiibkay iyo sida uu xidhiidh koodu u kala go’ay , warxuma tashiilka weeraray ayaa waxa igu dhalatay maansadan oo aan ugu magac daray HAATUF CAASHAQ waxanay ahayd sidan .

1.

WAA HAATUF CAASHAQOO

HALKAAN U HOYDIYO

HEER KAAN KU SUGANAHAY

HAWRAAR KUUGU SHEGIYE

2.

KOLAY WAAN HUBAAYOO

HADIMADA KALGACALKA

ANIGAA LAHOYDOO

IFKA UGA HULEELEE

3.

KOLKAAD I HAGRATEED

IIGA HIILIN WAYDAY

HALISTAA JACAYLKEE

HALIIGAYSA BEERKEE

4.

OGSOONOW HABEEN QUDHA

HAMIGAYGA LAABTIYO

KAMAAD HADHIN BOGAYGOO

HALBAWLAHAAD KU NOOLAYD

5.

OO HANAQA IYO LAABTAAD

HADBA QAYB DAGTAAYOO

SIDA HILAACA KARANTII

KA HANQADHAA DUSHAYDEE

6.

SIDAN HAYB SIGAAGII

HABOONEEY DARAADAA

NAFTA KUUGU HURAYEEN

U HIBEEYAY AWGAA

7.

ADNA WAAD IHIIFTOO

MAAD HAGAAJIN QALBIGII

HANAQAAD JACAYL IYO

HOR ILAAH U TAAGNAA

8.

RUUX HOGA XABAASHIYO

IIL HOOSE TAGAYOO

ABID KAA HADHAYNOO

KUU HARAADAN BAAN AHAY

9.

HAYEESHEE IFRAAXEEY

HAMBALYIYO SALAAN IYO

HIBASHIYO XASUUS BAAN

KUUSOO HANEEYEE

10.

KOLKA AAD HALEESHEE

HADALQAAD KA WAAYAHA

HAASAAWAHAA GUUD

DADKU KUGU HAYBSHAAN

11.

HALKA AAN KAA XIGO

NAFTU KAMA HABAWDEE

HAWRAAR SAN TILMAANTAY

SI HUFAN U TABIYOO

12.

NAFTAA HIRDOOGLIYO

MALAB HIBITIQAAYA

U HAYSAN ABIDOO

BARYO KUGU SOO HADHGALIYE

Share:

Read More